देउसीमा आशीष दिने तरीका

ए दिँदैछौं आषिश – गनेर

महंगी घटोस् – भनेर

शेयरको मूल्य – बढ्दो होस्

लोडशेडिङ सधैं – घट्दो होस्

थोत्रा पिलेन – नउडून्

भीरमा गाडी – नगुडून्

पानीमा पहेलो – तर नहोस्

सडकका छेउमा – घर नहोस्

रुपियाँ छुँदा – डलर होस्

आमाभन्दा छोरी – जान्ने होस्

भ्रष्टलाई थाममा – बान्ने होस्

छोराले सगरमाथा – नचढोस्

चढे पनि त्याँबाट – नलढोस्

प्रधानमन्त्री पाहुना – नआउन्

आए पनि कुखुरा – नखाउन्

नेताका मनमा – भय होस्

नेपाली जनताको – जय होस् ।।